Б.Вегенаст “Қасқыр болғым келеді”
Бұл туынды – өзін-өзі тану мен армандарға ұмтылу жайлы әсерлі ертегі. Басты кейіпкер кішкентай қошқар өзге жануарлардан ерекше болуды армандайды, қасқырдай еркін де күшті болғысы келеді. Бірақ шынайы батылдық – өзіңнің болмысыңды қабылдап, жүрегіңнің тазалығымен ерекшелене білуде екенін түсінеді. Қойылым балаларды өз-өзіне сенуге, мейірімділікке және достыққа тәрбиелейді.
Қойылым барысында көрермендер қошқардың қиялы мен шынайы болмысы арасындағы қайшылықтарға куә болады. Армандар арқылы бізге бала психологиясы, оның өзіндік әлемі мен ересектер қоғамындағы орны айқын көрініс табады.
Бұл туынды тек балаларға ғана емес, ересектерге де ой салады: әрбір адамның бойында бостандыққа ұмтылған бала қалады, ол армандар мен қиял арқылы өзін табуға тырысады. Пьеса достық, түсіністік, өзін-өзі тану, әркімнің дара болмысын сыйлау сияқты құндылықтарды дәріптейді
Қоюшы режиссері: Григорий Лайко
Қоюшы суретші: Гуля Бабаева
